Maqolalarga qo'yiladigan talablar

 

«Jamiyat va boshqaruv» jurnaliga ilmiy tadqiqot faoliyatining davlat boshqaruvini modernizatsiya qilish, jamiyat boshqaruvining taʼsirchanligini oshirish, kadrlar siyosatining samaradorligini yuksaltirish, davlat xizmatining tashkiliy-huquqiy asoslarini takomillashtirish kabi ustuvor yo‘nalishlar bilan bog‘liq masalalar yoritilgan maqolalar qabul qilinadi.

 Maqolalar mazmuni:

- ilmiy va amaliy nuqtai nazardan dolzarb;

- mavzu yoki uning ochib berilishi yangi;

- fundamental ishlab chiqilgan;

- xulosalar asoslangan;

- aniq va ravon bayon etilgan bo‘lishi lozim.

Tahririyatga taqdim etiladigan materiallar quyidagi asosiy talablarga javob berishi lozim:

1. Maqolaning matni  Microsoft Word 2003 versiyasida tayyorlanishi.
2. Shrift – Times New Roman, 14 shrift kegeli (hajmi) bo‘lishi.
3. Satrlar orasidagi masofa 1,5 interval bo‘lishi.
4. Maqolaning tuzilishi quyidagicha bo‘lishi kerak: annotatsiya 50 ta so‘zgacha, kalit so‘zlar (o‘zbek, rus, ingliz tillarida 10 tagacha), kirish, asosiy qism, xulosa, foydalanilgan adabiyotlar.
5. Diagramma, rasm va jadvallar faqat oq/qora yoxud kulrangda bo‘lishi shart.
6. Iqtiboslar OAKning adabiyotlarga qo‘yilgan talablari bo‘yicha berilishi kerak.
7. Maqolaning umumiy hajmi 8 betdan 15 betgacha, A4 formatida beriladi.
8. Maqola nomi, muallif(lar)ning ism-sharifi, ish joyi, ilmiy unvoni, ilmiy darajasi uch tilda (o‘zbek, rus, ingliz tillarida) berilishi, mobil telefon, elektron pochta manzili ko‘rsatilishi kerak.
9. Maqolalarni elektron pochta orqali ham yuborish mumkin.

Elektron pochta manzili: jurnal95@dba.uz

Murojaat uchun telefon: +998 71 232 60 76

Tahririyatga taqdim etilgan maqolalarning chop etilishi yoki chop etilmasligi haqidagi qarorni Tahrir hayʼati qabul qiladi.

Jurnal yuqoridagi talablarga javob bermaydigan qo‘lyozmalarni qaytarish huquqiga ega.